Se yonn nan feyton nou yo ki pral pase sou chanèl la. Li pale de, sa w fè se li ou wè. Saʈhélä pa t ap janm imajine pase li t ap kouri pou li a t ap kontre ak li sou wout yon jou. Li te fè sèman sou tèt li ke ni li, ni pitit li p ap janm grangou ankò e l ap fè nenpòt sakrifis pou sa pa janm rive. Li te pran anpil move desisyon sou wout li pou l te sove fanmi l. Lè pase a vin pou toufe l, li pa konn sa pou l fè. Eske l ap kontinye wout la oubyen fè yon kanpe pou l reflechi sou lavi li?

Se yon mesye k ap kraze fanmi li ak men l nan mank kontwòl li. Dieupanou konprann pa gen moun k ap gade li pandan pwòp pitit fi li ap swiv tout sa l ap fè e imite l.

Se yon koup ki pako konnen si pou yo rete ansanm, ni si pou yo kite. Mesye a ap reproche madanm li pou jan l te konn viv paske pase madanm nan vin kanpe nan mitan yo, anpeche yo viv an amoni.

Se yon istwa ki pale de yon mari ak madanm k ap goumen ak sa ki te pase nan mitan yo lè yo te fenk marye. Yonn pa vle padone lòt.